Венесуэлийн сөрөг хүчний удирдагч Хуан Гуайдо Боливарын бүгд найрамдах улсын Ерөнхийлөгч Николас Мадуротой энхийн яриа хэлэлцээгээ сэргээхийг үгүйсгэхгүй гэдгээ өнгөрсөн ням гарагт Каракст хийсэн хэвлэлийн бага хурлынхаа үеэр мэдэгдсэн байна.
“Яриа хэлэлцээр тасалдсанаас хойш гурван сар өнгөрлөө. Эрх баригчид үүнийг тасалдуулсан” гэж Гуайдогийн хэлснийг El Nacional сонин эш татжээ.
Сөрөг хүчний удирдагч бас “бид эсэргүүцлээ үргэлжлүүлж иргэний үүргээ хэрэгжүүлнэ” гэжээ.
Венесуэлийн сөрөг хүчин, эрх баригчдын хооронд шууд биш яриа хэлэлцээр Норвегийн зуучлалаар өнгөрөгч тавдугаар сард Ослод хэд хэдэн удаа болсон юм. Сүүлийнх нь долдугаар сарын 8-нд Барбадост болж байсан ч Вашингтоны зүгээс ээлжит хориг тавьсны төлөө эрх баригчид АНУ-ын зүгээс “аюултай, бүдүүлэг хүчирхийлэл” үйлдлээ хэмээн шалтаглаж наймдугаар сард яриа хэлэлцээрээ зогсоосон юм.
Харин Венесуэлийн засгийн газар, сөрөг хүчний зарим төлөөлөгчид өргөн хүрээтэй асуудлаар улс төрийн яриа хэлэлцээр үргэлжлүүлэх байнгын байгууллага Үндэсний зөвлөл байгуулах талаар өнгөрөгч есдүгээр сарын 15-нд тохиролцоод байгаа юм. Үүний дараа Венесуэлийн Ерөнхийлөгч Николас Мадуро Засгийн газар Норвщегийн зуучлалаар сөрөг хүчнийхэнтэй ямар хэлэлцээрээ хэзээ ч сэргээхэд бэлэн байна гэж мэдэгдсэн юм.