Польшийн Гадаад хэргийн сайд асан Витольд Ващиковский “Европейский правда” сонинд ярилцлага өгөх үеэрээ Украин улс Донбасс Крымыг эргүүлэн авахын тулд европын чиг баримжааг дагах ёстой гэж мэдэгдсэн байна.
Европын өнөөгийн жишиг нь Киевт эдийн засгаа өсгөхөд нь ч тус болно гэж Ващиковский хэлжээ. Энэ тохиолдолд украины хяналтаас гараад байгаа газар нутгийн ард иргэд эргэж ирэхийг санал болгоно гэсэн байна. Дипломат бас “Штайнмайерын форум” нь “заль мэх” байгаад үүнээс болж Киев нь Донбассын бүр алдаж магадгүй гэжээ.
-Зеленский Оростой маш сонирхолтой, ноцтой тоглохыг эрмэлзэж байгааг бид харж байна. Тэр энэ сөргөлдөөнийг эцэс болговол тэр бүс нутгийг автономит болгон авна гэж санал тавьж байна. Асуудал нь оросууд сөргөлдөөнийг дуусгахыг хүсэхгүй, үүгээрээ Украинд нөлөөлөх зэвсэг болгохыг зорьж байгаад л байна гэж Ващиковский мэдэгджээ.
Донбасс дахь сөргөлдөөнийг тогтворжуулах гурван талт ажлын хэсэг аравдугаар сарын 1-нд “Штайнмайерын формул” баримт бичигт гарын үсэг зурж энэ бүс нутагт онцгой статус олгож, өршөөл үзүүлэх, сонгууль явуулахаар болсон юм. Гэхдээ украины үндсэрхэг хэсэг энэ баримт бичгийг бууж өгч байгаа хэрэг хэмээн үзэж эсэргүүцлийн хөдөлгөөн өрнүүлээд байгаа юм.
Крым нь 2014 онд бүх нийтийн санал асуулга явуулан иргэдийн дийлэнхийн саналаар ОХУ-д нэгдсэн юм. Энэ санал асуулга нь олон улсын эрхзүйн хүрээнд ардчилсан зарчмаар болсон гэж ОХУ-ын Ерөнхийлөгч Владимир Путин нэг бус удаа мэдэгдээд байгаа юм.