Украины Улсын Мөрдөн байцаах хороо тус улсын ерөнхийлөгч асан Петр Порошенког эрүүгийн хоёр ч хэрэгт сэжиглэж байгаагийн зэрэгцээ бас гэрчээр татах гэж байгаагаа Ерөнхий прокурорын газарт өргөн мэдүүлж байгаагаа албан ёсны сайтдаа нийтэлжээ.
Түүнийг 2019 оны гурваас тавдугаар сард болсон Шүүхийн дээд зөвлөлийн гишүүдийг сонгох, нэр дэвшүүлэх үйл ажиллагаанд хөндлөнгөөс нөлөөлсөн байж болзошгүй хэмээн мөрдөн шалгаж байгаа юм байна. Энэ нь засгийн эрхийг хүчээр авах, эрх мэдлээ урвуулан ашигласан үйлдэлд орж байгаа юм.
Үүний зэрэгцээ Улсын мөрдөн байцаах хороо Ерөнхий прокурорын газарт хандаж түүнийг эрүүгийн хэрэгт татаж байгаа тул депутатын нь халдашгүй байдлыг цуцлуулах санал хүргүүлж энэ талаар Дээд Радагаас зөвшөөрөл авахыг хүссэн байна.
Улсын мөрдөн байцаах хороо Порошенкод хамааруулан нийтдээ эрүүгийн 12 хэрэг нээгээд байгаа юм байна. Үүнд түүнийг эх орносоо урвасан, гэмт хэргийн улмаас олсон хөрөнгөө оффшор дансанд байрлуулсан, шүүх засаглалын үйл ажиллагаанд хөндлөнгөөс оролцсон гэж үзэж байгаа юм байна. Мөн 2018 оны арваннэгдүгээр сард Крымын районд оросын нутаг дэвсгэрт Украины хөлгүүдийг оруулж хууль зөрчсөн хэргийг ч мөрдөн шалгаж байгаад Порошенког гэрчээр татах ёстой гэнэ.