“Ираны Халк” нэрээр алдаршсан хүн атлетикийн тамирчин Сажад Гариби ирэх оноос нударган зодооны Bare Knuckle FC тэмцээнд орж өрсөлдөх болж байгаа гэнэ. Энэ талаар Билоксид сая болсон Bare Knuckle FC есөн тэмцээний дараа тус байгууллагын ерөнхийлөгч Дэвид Фельдман мэдэгджээ. “Энэ залуу 2020 оны эхнээс Bare Knuckle Fighting Championship-д орж өрсөлдөнө” гэж Bare Knuckle FC-ийн ерөнхийлөгч онцолсон байна. “Бид энэ шоугаа “Иран, АНУ-ын эсрэг: Дэлхийн гуравдугаар дайн” гэсэн нэрийн дор зохион байгуулна. Тэр бидний хамгийн том найдвар. Түүнээс бид илүү их амжилт хүлээж байна” гэж тэр хэлжээ. Фельдман бас Гарибитай өрсөлдөх тамирчныг хайж байгаагаа ч хэлсэн байна.
Ираны Ахваз хотын оршин суугч 27 настай Сажад Гариби өөрийн аварга том бие, булчингаараа инстаграмаар алдаршсан юм.