Италийн Венецэд сүүлийн хагас зуун жилд тохиож байгаагүй үер болж байгаагаас  Гэгээн Маркийн сүмийн нүүрэн талын шигтгэмэл зураг, гантиг баганууд өнгөрсөн долоо хоногоос гэмтэж эхэллээ гэж Rai News телевиз арваннэгдүгээр сарын 19-нд мэдээлсэн байна.
“Хөгцрөл, зэврэл аажмаар явдаг учраас олон гэмтэл хэдэн сарын дараа л мэдэгдэж эхэлнэ” гэж сүмийн ерөнхий инженер Пьерпаоло Кампострини ярьсан байна. Мэргэжилтнүүдийн санаа зовж байгаа бас нэг зүйл бол  далайн давс сүмийн хийцэд нөлөөлөх нь гол аюул гэж байна. Давстай ус нэвчээд баганууд хэдийнээ өнгө нь хувирч цэвэрлэгдсэн байгаа гэнэ.
Венецэд сүүлийн 50 жилд болж байгаагүй үер болж усны түвшин арваннэгдүгээр сарын 13 гэхэд 190 см-т хүрсэн юм. Хотын 80 хувь үерт автан Сан-Манкогийн талбай гэхэд л нэг метрийн гүн усанд автаад байгаа юм.
Үерлэж эхлэхэд Венецийн эрх баригчид онц байдал зарлан хичээл сургуулийг хаагаад,  усаар зорчдог нийтийн тээврийн хэрэгслийг зогсоосон юм.
Үерийн дараагаар Гэгээн Маркийн сүмийг сэргээн засварлах ажил хийн эгэж Италийн Соёлын сайд Дарио Франческини арваннэгдүгээр сарын 15-нд мэдэгдсэн байна. Сайдын хэлснээр бол үерийн гамшгийг арилгахад зориулж Италийн засгийн газар ойрын үед 20 сая евро хуваарилах гэж байгаа ч энэ нь бүхий л сэргээн засварлах ажилд хаана ч хүрэхгүй юм.