Израилийн Засгийн газрын тэргүүн Биньямин Нетаньяху парламентаа тараах хуулийн төсөл бэлтгэж байна гэж хэвлэлүүд мэдээллээ. Б.Нетаньяху Израилийн парламент Кнессетэд тавдугаар сарын 29 гэхэд эвсэл бүрдүүлэх ёстой ч энэ нь иудейчүүдийг цэрэгт татах асуудлаас болоод  намуудын санал зөрөлдөөнөөс болоод ингэж чадахгүйд хүрч мэдэхээр байна гэж “Кан” хэвлэл мэдээлснийг ТАСС агентлаг дамжуулжээ. Эвслийн талаарх хэлэлцээрээ Ерөнхий сайд үргэлжүүлж байгаа ч өөрийн тэргүүлдэг “Ликуд” намын депутат Мики Зохарт парламентыг тараах хуулийн төсөл бэлтгэхийг үүрэг болгосноор  өнөөгийн Израилийн 71 жилийн түүхэнд анх удаагаа хууль тогтоох байгууллагаа тарааж шинэ сонгууль явуулах үйл явдал болж магадгүй байна. Б.Нетаньяху “Шаардлагагүй сонгууль явуулахгүй байх эцсийн оролдлого хийж байна” гэжээ. Биньямин Нетаньяхугийн тэргүүлдэг “Ликуд” нам  дөрөвдүгээр сарын 10-нд болсон сонгуулиар Бенни Ганцийн тэргүүлдэг “Кахоль-Лаван” намыг ялаад байгаа юм.