Латви улс улсынхаа нутаг дэвсгэрт Оросын телевизийн есөн сувгийг дамжуулахыг хориглолоо гэж тус улсын Электрон хэвлэлийн үндэсний зөвлөлийн даргын орлогч Ивар Аболиньш сэтгүүлчдэд мэдэгдсэн байна. Тус байгууллага өнөөдөр Латвийн нутагт нэвтрүүлж байгаа ч Европын холбооны “Украины тусгаар тогтнол, бүрэн эрхт байдал, газар нутгийн бүрэн бүтэн байдлын эсрэг үйлдэл”-ийн төлөөх хоригт орсон Оросын телевизийн хэд хэдэн сувгийг хаах саналыг Латвийн Улсыг аюулаас хамгаалах байгууллагаас хүлээн авсан юм байна. Энд оросын “Время: далекое и близкое”, “Бобер”, “Дом кино”, “Дом кино Премиум”, “Музыка Первого”, “O!”, “Поехали!”, “Телекафе” и “Петербург-Пятый канал” сувгууд орж байгаа гэнэ. Энэ хориг, Европын холбооны хориг өөрчлөгдөх хүртэл Латвийн бүх нутагт хүчин төгөлдөр үйлчлэх юм байна. Европын холбоо, АНУ-ын хориг 2014 онд Крымыг ОХУ-д нэгтгэсний дараа эхэлсэн юм.