Украины Дээд радагийн депутат асан Надежда Савченко хөдөө аж ахуйн зориулалттай газрыг худалдаалах тухай хуулийн төслөөр бол Украины бүрэн бүтэн байдлыг задруулахад хүргэнэ гэж КРТ телевизэд ярилцлага өгөхдөө тэмдэглэжээ. Тэгээд ч тэрээр энэ хуулийн төслийг хэлэлцэхгүй байхыг уриалсан уриа Радагийн танхимын үүдэнд наасан гэнэ. Түүнийхээр бол энэ хуулийг эсэргүүцэж байгааг депутатууд мэдрэх ёстой гэнэ. “Энэ хууль хүчин төгөлдөр болбол 2023 он гэхэд Украин гэж улс дэлхийн газрын зураг дээрээс үгүй болно. Ийм зүйлийг тэд хийх гэж байна” гэж Савченко хэлсэн байна. 

Энэ хууль юунд хүргэхийг депутатууд мэдсээр байгаа ч хуулийг батлах гэж байна гэж тэр хэлснийг “Газета.ру” хэвлэл эш татжээ. Гэхдээ хуулийн төслийг зогсоож чадна гэдэгтээ Н.Савченко найдаж байгаагаа бас хэлсэн байна. Улс орондоо газрын шинэчлэл хийж, 2020 он гэхэд газрын зах зээл эхлүүлэхээ Украины Ерөнхийлөгч Владимир Зеленский наймдугаар сарын 8-нд зарлаж байсан. Туркийн хэд хэдэн компани Украинд хэдийнээ газар эзэмшээд эхэлчихсэн байгаа гээд, улмаар улсынхаа өмнөд хэсэгт Турктэй түншлэлээ бэхжүүлэх болно гэдгээ илэрхийлж байсан юм. Хөдөө аж ахуйн зориулалттай газар худалдаалах тухай хуулийн төслийг өнгөрсөн долоо хоногт анхны хэлэлцүүлгийг нь хийсэн юм.