Хонконгийн дүүргийн зөвлөлийн депутатуудыг сонгох сонгууь тус тусгай газрын 18 тойрогт ням гаргийн өглөө эхэлсэн байна. Засгийн газрын эсрэг жагсаал цуглаанд оролцогсдын эсэргүүцэл, болон өдөөн хатгалгаас сэргийлэх үүднээс аюулгүй байдлын өндөржүүлэн байдалд сонгууль боллоо. Сонгуулийн аюулгүй байдлыг нийтдээ 31 мянган цагдаагийн ажилтан хамгаалан сахиулж байна.
Сонгуулийн санал хураах байруудын үүдэнд цагдаагийнхан, тусгай тасгийнхан жижүүрлэж, сонгогчид ч идэвхтэй ирж байгаа юм байна. “Өнөөдөр Хонконгт болж байгаа улс төрийн уур амьсгал, эмх замбараагүй байдалд олон хүн дургүй байгаа, тэгэхээр сонгуульд саналаа өгч, өөрийнхөө үзэл бодлоо илэрхийлэх хэрэгтэй” гэж нэг сонгогч хэлжээ.
Энэ сонгууль үнэхээр өнгөрсөн зунаас эхлээд байгаа нөхцөл байдалд үнэлэлт дүгнэлт болох юм. Өнөөдөртөө хотод нөхцөл байдал тайван, эмх замбараагүй байдал сүүлийн таван хоногт гараагүй байна.
Хотод нийтдээ сонгуулийн 600 гаруй хэсэг байгуулж 479 депутатын төлөө 4.1 сая хүн саналаа өгсөн байна. Сонгуульд нийтдээ 1090 хүн нэр дэвшин өрсөлджээ.
Өнөөдөр дүүргийн зөвлөлийн нийт суудлын 75 хувийг эрх баригч нам, засгийн газрыг дэмжигч том бизнесийнхэн, үйлдвэрчний эвлэлийнхэн хянаж байгаа юм. Энэ удаагийн сонгуулийн дараа энэ үзүүлэлт өөрчлөгдөж мэдэх ч ажиглагчдын хэлж байгаагаар бол сөрөг хүчнийхэн олонх болох магадлал тун бага юм байна.
Дүүргийн депутатууд улс төрийн шийдвэрт шууд нөлөөлж чадахгүй, байгаль орчин, тээвэр, эрүүл мэнд, дүүргийн тохижилт хариуцан Хонконгийн захирагчийг сонгох 1200 суудлын дөнгөж 117-г нь эзэлдэг юм байна.