Бүх нийтийн сонгууль явуулах тухай хуулийн төслийг Боливын парламентын депутатуудын танхим бямба гарагт баталлаа гэж Twitter хуудсаараа мэдээлсэн байна. “Депутатуудын танхим “Бүх нийтийн сонгууль явуулахын тулд онцгой, шилжилтийн дэглэмд шилжих тухай” хуулийн төслийг санал нэгтэй баталлаа” гэж мэдээлэлд дурдаад, хуралдааны үеэр санал хурааж бүх депутат гар өргөн баталж байгаа дүрс бичлэг хавсаргасан байна. Хуралдааны дарга ч далдаас “санал нэгтэй баталлаа” гэж байгаа нь дуулдаж байна.

Өнгөрөгч аравдугаар сарын 20-нд Сонгуулийн дээд шүүхийн гишүүдийн шинээ томилохдоо ч бас Сенатуудын танхим шинэ сонгуулийг аль болох хурдан явуулах ёстой гэж зааж байсан юм.
Одоо Депутатуудын танхим энэ баримт бичгээ Ерөнхийлөгчийн үүрэг гүйцэтгэгч Жанин Аньест өргөн барина. Үүний өмнө Хууль зүйн сайд Альваро Коимваро бас хууль батлагдсанаас хойш 15 хоногийн дотор Сонгуулийн дээд шүүхийн гишүүдийг батлах ёстой гэж байсан. Харин сонгууль явуулах хугацааг үүнээс хойш тодруулах юм.

Боливт өнгөрөгч аравдугаар сарын 20-нд Ерөнхийлөгчийн сонгууль болсон. Сонгуулийн дээд шүүхийн мэдээлснээр тэр үед төрийн тэргүүн басйан Эво Моралес олонхын санал авсан гэсэн мэдээ тараасан. Харин түүний гол өрсөлдөгч, ерөнхийлөгч асан Карлос Меса болохоор сонгуулийн нэгдүгээр шатанд ерөнхийлөгч Моралес ялаагүй гэж мэдэгдсэн юм. Үүнээс үүдээд Месийгийн талынхан эсэргүүцлийн хөдөлгөөн өрнүүлж энэ нь улс орны бүрэн хамарсан юм.

Цэрэг армийнхан, Үйлдвэрчний эвлэл бүгд Эво Моралесыг огцрохыг шаардан улс оронд нь эмх замбараагүй байдал эхэлснээр тэрээр албан тушаалаасаа огцорч байгаагаа арваннэгдүгээр сарын 10-нд мэдэгдээд, үүнийгээ төрийн эргэлт гарах нөхцөл байдал бий боллоо гэж тайлбарласан. Түүний араас дэд ерөнхийлөгч Альваро Гарсиа Линера, парламентын хоёр танхимын спикерүүд албан тушаалаасаа огцорсон юм. Сөрөг хүчний төлөөлөөгч, Сенатын танхимын дэд спикер Жанин Аньес ерөнхийлөгчийн шинэ сонгууль явуулах хүртэл Төрийн тэргүүний үүргийг өөртөө авч байгаагаа зарласан юм.