Венесуэлийн Ерөнхийлөгч Николас Мадуро тээврийн салбарын ажиллагсадтай уулзах үеэрээ бүх нийтийн дайчилгаа явуулж цэрэгт татах тушаал өгсөн мэдэгдсэн байна.. Түүний хэлснээр бол АНУ, Колумбын зүгээс түрэмгийлэл үйлдэхээр зэхэж байгаа учраас ийм арга хэмжээ авахад хүрсэн гэнэ.
  “Колумбын эрх баригчид АНУ-ын армийн өмнөд командлалтай хамтраад Венесуэлийн Колумба тай хиллэдэг газарт ээлжит өдөөн хатгалга үйлдэхээр бэлтгэж байна гэсэн мэдээлэл надад байна. Ийм болохооор боливарын бүгд найрамдах улсын зэвсэгт хүчин байлдааны бэлэн байдалд байх шаардлагатай байна” гэж ноён Мадуро мэдэгдсниийг РИА Новости агентлаг эш татжээ. Ийн хил дээр цэргийн мөргөлдөөн үүсгэх замаар тус улсад болж байгаа эсэргүүцлийн хөдөлгөөний анхаарлыг татах гэж байгаа юм гэж тэр тэмдэглэсэн байна.
  Венесуэлийн дотоод нөхцөл байдал энэ оны нэгдүгээр сараас эхлээд хурцадсан юм. Ерөнхийлөгч Николас Мадурог тангараг өргөсний дараа сөрөг хүчний удирдагч парламентын спикер Хуан Гуайдо өөрийгөө Венесуэлийн ерөнхийлөгч хэмээн зарласан юм. Түүнийг тус улсын түр хугацааны тэргүүн хэмээн АНУ, Европын холбооны ихэнх орон, бусад улс орон хүлээн зөвшөөрсөн. Харин Венесуэлийн Ерөнхийлөгч Николас Мадуро үүнийг төрийн эргэлт хийх гэсэн оролдлого гэж, Болив, Белорус, Иран, Хятад Орос, Куба зэрэг орнууд дэмжиж байгаа юм. Үүнээс үүдээд Венесуэльд Николас Мадурогийн засгийн газрыг эсэргүүцсэн жагсаал цуглаан орон даяар өрнөөд байгаа юм.