Япон улс атомын цахилгаан станц хөгжүүлэх нэрийн дор цөмийн зэвсэг үйлдвэрлэхэд зориулсан цөмийн түлш асар их хэмжээгээр бэлтгэж байгаагаа дэлхийдахинаас нууцалсаар байна гэж хятадын Sohu хэвлэлд бичсэн байна. Тэдний үзэж байгаагаар бол Япон хамгийн багаар бодоход атомын 6000 бөмбөг үйлдвэрлэх материал бэлтгэж амжжээ.
  Хэдийгээр Япон цөмийн зэвсэг үйлдвэрлэх эрхгүй ч гэлээ цөмийн технологийн талаар өнөөдөр дэлхийд тэргүүлж байгаа юм. Ийм л болохоор Sohu хэвлэл Японыг шаардлагатай тохиолдолд ойрын үед ямар төвөг бэрхшээлгүйгээр атомын 6000 бөмбөг үйлдвэрлэж чадна гэж үзэж байгаа юм.
  Дэлхийн хоёрдугаар дайнд ялагдсаныхаа дараа Япон улс зөвхөн өөрийгөө хамгаалах зэвсэгт хүчинтэй байх эрхтэй үлдсэн. Гэхдээ энэ шаардлага, хэлбэр аль хэдийнээ үгүй болсон гэдгийг Sohu хэвлэл тэмдэглэж байна. Япон улдсын өнөөгийн энэ байдал нь НҮБ-ын Аюулгүйн зөвлөлийн байнгын таван оронд ч эргэлзээ төрүүлэхээр болоод байгаа юм. Япон улс өнөөдрийн цэрэг, технологийн хөгжил, байлдааны бэлэн байдлаараа дэлхийд тэргүүлэх арван орны тоонд багтаж байгааг Sohu хэвлэл онцлон тэмдэглэжээ.