АНУ-ын Засаг захиргаа Хонконгийн гэмт хэрэгтнүүди йг ил цагаан дэмжиж БНХАУ-ын дотоод хэрэгт хөндлөнгөөс оролцож байна гэж БНХАУ-ын Гадаад хэргийн яамны албан ёсны төлөөлөгч Гэн Шуан АНУ-ын ерөнхийлөгч Дональд Трамп “Хонконгийн хүний эрх ардчиллын тухай хууль-д гарын үсэг зурсныг тайлбарлахдаа өнгөрөгч пүрэв гарагт мэдэгджээ. “Энэ бол Хятадын дотоод хэрэг болох Хонконгийн хэрэгт бүдүүлгээр оролцож байгаа хэрэг”, “би америкийн талд тууштай эсэргүүцэл илэрхийлж байна” гэж Гэн Шуан хэлсэн байна.
  Тэр бас “АНУ бодит байдал, баримтыг үл тоомсорлож харахыг хүсэхгүй байна. Тэд зүгээр л дэд бүтцийг сүйтгэж, галдан шатааж, энгийн ард иргэдэд садаа болж, нийгмийн хэв журам зөрчин, хууль дээдлэх байдлыг алдагдуулан хүчирхийлэл үйлдэж байгаа гэмт хэрэгтнүүдийг ил цагаан дэмжиж байна” гэж дипломат хэлжээ.
  Гэн Шуан мөн АНУ-ын Засаг захиргаа саяхан батлаад байгаа “Хонконг дахь хүний эрх, ардчиллын тухай” хуулиа хэрэгжүүлэхээс татгалзахгүй бол энэ нь хоёр орны харилцаанд муугаар нөлөөлж магадгүй юм гээд АНУ, Хятадын худалдааны хэлэлцээрт энэ хууль нөлөөлж мэднэ гэж онцлон тэмдэглэсэн байна.
  “Хонконгийн талаар ийм нэртэй хууль баталсныг бид шийдвэртэй эсэргүүцэж байна. Энэ хуулиа хэрэгжүүлэхгүй байхыг АНУ-д уриалаад, эс тэгвэл энэ нь манай маш чухал салбарын хамтын ажиллагаанд нөлөөлж мэднэ гэдгийг мээдгдэж байна” гэж тэр онцлон тэмдэглэжээ.
  Өөрийнхөө газар нутгийн бүрэн бүтэн байдал, аюулгүй байдал, хөгжлийн сонирхол эрх ашиг мөн “нэг улс, хоёр систем” зарчмаа хадгалах, Хонконг дахь тогтвортой байдал, хөгжил цэцэглэлийг хангах талаар Хятад улс хатуу тууштай байхыг хэн ч дутуу үнэлэх ёсгүй” гэж БНХАУ-ын Гадаад хэргийн яамны албан ёсны төлөөлөгч мэдэгдсэн байна.