“Бид байгалийн эсрэг дайнаа зогсоож, цаг уурын өөрчлөлтийн эсрэг тэмцэлд илүү их улс төрийн эр зориг гаргах хэрэгтэй байна” гэж НҮБ-ын Ерөнхий нарийн бичгийн дарга Антониу Гутерриш өнөөдөр Мадридад болж байгаа  дэлхийн цаг уурын хоёр долоо хоногийн дээд хэмжээний уулзалт дээр үг хэлэхдээ тэмдэглэжээ. Түүнийхээр бол “байгалийн эсрэг дайн”-ыг зогсоох боломжтой гэнэ.
  “Бид зүгээр л газар өрөмдөх, ухахаа зогсоож байгалийн шийдэлтэй сэргээгдэх эрчим хүч ашиглах асар их боломж байна” гэж ноён Гутерриш хэлснийг Reuters агентлаг эш татжээ. НҮБ-ын ерөнхий нарийн бичгийн даргынхаар бол улс төрийн эр зориг дутагдалтайгаас болоод олон улс орон энэ үүргээ биелүүлэхгүй байгаа гэнэ.
  АНУ байгаль цаг уурын тухай Парисын хэлэлцээрээс гарч байгаагаа Америкийн  Ерөнхийлөгч Дональд Трампын засаг захиргаа мэдэгдээд байгаа юм. Ноён Д.Трамп энэ хэлэлцээрээс гарах тухайгаа төрийн тэргүүний тангараг өргөснийхөө дараах хагас жилд 2017 оны зургадугаар сарын 1-нд мэдэгдэж байсан юм. Тэрээр байгаль хамгаалагчид, өөрийнх нь улс төрийн өрсөлдөгч Ардчилсан намынханд таагүй хандаж байгаагаа хэлж байсан юм.