Венесуэлийн эрчим хүчний эх үүсвэрт осол гарсны улмаас зүүн хойд нутгийн Сулия мужид цахилгаан тасарч 3.5 сая гаруй хүн гэрэл цахилгаангүй хоцорлоо гэж Union Radio хэвлэл мэдээлсэн байна. “Нөхцөл байдлыг хянаж, эрчим хүчний хангамжийг ойрын хугацаанд сэргээхээр Боливарын засгийн газар ажиллаж байна” гэж төрийн мэдлийн эрчим хүчний Corpoelec компанийн бүс нутаг дахь төлөөлөгч өөрийнхөө Twitter хуудсанд бичжээ. Ослын талаар болон хэдий нутаг хамарсан талаар албан ёсны мэдээлэл алга байна.

  Венесуэльд энэ онд эрчим хүчний ийм бэрхшээлтэй нэг бус удаа тохиолдож байгаа. Хамгийн том осол гуравдугаар сарын 7-нд болж нийслэл Каракас болон олон муж хэдэн өдрөөр гэрэл цахилгаангүй болж байсан юм. Симон Боливарын нэрэмжит Усан цахилгаан станцад осол гарсанд “Америкийн имперализм” хариуцлага хүлээх ёстой гэж Венесуэлийн Ерөнхийлөгч Николас Мадуро мэдэгдсэн. Харин АНУ-ын Төрийн департамент үүнийг няцаасан юм.

  Харин Венесуэлийн Эрчим хүчний салбарын ажилтнуудын үндэсний холбооны төлөөлөгчид болохоор энэ ослыг дэд станцуудад урьдчилан сэргийлэх засвар үйлчилгээ хангалтгүй байгаатай холбоотой гэж нэг бус удаа мэдэгдээд байгаа юм.