Гар утасны өнөөгийн хэлбэр үндсэндээ 2007 он гэхэд Apple компани iPhone-ын эхний үеийг гаргаж ирснээр төлөвшсөн бол өнөө болтол нэг их өөрчлөгдөөгүй урьдын л адил халаасанд хийдэг, металл, шилэн бүрхүүлтэй, том дэлгэцтэй байсаар ирж. Гэхдээ энэ бүхэн эцэс болох цаг тун ойрхон байна гэж Qualcomm компанийн ерөнхийлөгч Кристиано Амон хэлж байна. Түүний “Business Insider” хэвлэлд өгсөн ярилцлагаас үзэхэд бидний өнөө хэрэглэж байгаа гар утас хоёр жилийн дараа гэхэд зах зээлээс арчигдаж оронд нь энэ бүхнийг гүйцэтгэх ухаалаг нүдний шил гарч ирэх юм байна.
 Өнөөдөр Facebook, Apple, Microsoft, Google Amazon зэрэг технологийн том корпорацууд энэ хүрээнд ажиллаж тэрбум тэрбумын хөрөнгө оруулж байна. Microsoft Hololens зэрэг зарим дэвшил ч гарч ирж л байгаа юм. Үүнээс гадна ойрын хоёр жилд гар утасны хэрэгцээг бүрэн хангах ухаалаг нүдний шилний давлагаа гарч ирэх нь. Мөн тав дахь үеийн сүлжээнүүд ашиглалтад орсноор тэдгээрийг нягтралтай, боломжийн болгож, тооцооллын ихэнх хувийг серверүүд рүү шилжүүлэх боломжтой болно. Энэ бүхэн ирээдүйн гар утас болж хүний харилцааны хэрэглүүр болох юм. Ийм технологи хэдийнээ бий болсон гэж Кристиано Амон хэлжээ.
 Ирэх жил гэхэд бид энэ бүхний эхлэлийг үзнэ, Apple компани 2020 оны зун гэхэд ухаалаг нүдний шил гаргана гэж шинжээч Минг-Чи Киогийн эх сурвалжаас авснаа MacRumors сайт дамжуулжээ. Төхөөрөмжийн гадаад төрх хэлбэрийн талаар мэдээлэл гараагүй байна. Үүний өмнө итали эр Ксакомо Дода ухаалаг нүдний шилний загвар гаргасаныг Apple Glass-ийн дизайнерүүд ашиглаж мэдэх юм. Уг нь бүр 2012 онд чихэвч бүхий Google Glass нүдний шил гаргасан ч дэлхий дахин ийм дэвшлийг хүлээн авах бэлтгэлгүй байсан юм. Магадгүй 10 жилийн дараа ийм ухаалаг нүдний шил зах зээлд эргэн ирж ч мэдэх юм.