Оросын Агаар-сансрын хүчин Сири арабын армийн шинэ давшилтын өмнө террористуудын зүгээс үзүүлэх эсэргүүцлийг бууруулах зорилгоор сирийн Идлиб хотын  эргэн тойронд байгаа зэвсэгт дайчдын байрлал руу энэ арванхоёрдугаар сарын 2-нд довтолсон байна. Идлибийн төв шоронгийн эргэн тойрон дахь алан хядагчдын хэд хэдэн байгууламжийг устгажээ.
Идлиб хотын төв шорон нь “Хайат Тахрир аш-Шам” зэвсэгт бүлэглэлийн гол бааз, сирийн умард нутгаас баривчилж олзолсон хүмүүсээ хорьдог газар  болоод байгаа юм гэж сирийн цэргийнхний эх сурвалжаас авснаа Al-Masdar News мэдээлжээ.
 Өнгөрөгч арваннэгдүгээр сарын 30-нд сирийн арми Идлибийн зүүн өмнө нутагт зэвсэгт дайчидтай ширүүн байлдаан хийж Ажаз хот болон Суруж сууринд хяналтаа тогтоосон юм. Зэвсэгт дайчдыг Расм аль-Вард болон  Истаблатаас хөөж гаргасан гэсэн батлагдаагүй мэдээлэл бас байгаа. Ажаз хотын төлөөх тулалдааны үеэр жихадын зэвсэгт бүлэглэл 40-50 хүнээ алдсан гэж Al-Masdar News мэдээлсэн бол засгийн газрын бус зарим хэвлэлүүд 60 гаруй хүнийг устгасан гэжээ. Сирийн арми ч бас 30-аад хүнээ алдсан гэж байна.