АНУ-ын Ерөнхийлөгч Дональд Трамп өөрийнхөө бүрэн эрхийг хэтрүүлсэн нь түүнийг эгүүлэн татах үндэслэл болно гэж АНУ-ын Конгрессын төлөөлөгчдийн танхимын шүүх хорооны тэргүүн Жеррольд Надлер энэ сарын 5-нд болсон анхны сонсголын дараа мэдэгдсэн байна. Түүнийхээр бол ерөнхийлөгч өөрийг нь эгүүлэн татахаар гэмт хэрэг үйлдсэн гэнэ. Д.Трамп Америкийн сонгуульд гадаад орныг хөндлөнгөөс нөлөөлөхийг хүссэнээс гадна мөрдөн байцаагчдын ажилд хоёр ч удаа саад болсон гэжээ. Надлер бас Д.Трампын үйлдэл нь үндэсний аюулгүй байдалд, дараагийн сонгуульд хөнөөл учруулж байна гэснийг Politico хэвлэл дамжуулсан байна.
АНУ-ын Конгрессын төлөөлөгчдийн танхимын тагнуулын тусгай  хороон дахь ардчилагч гишүүдийн бэлтгэсэн Ерөнхийлөгч Д.Трампыг эгүүлэн татах тухай илтгэлд Америкийн тэргүүнийг буруутгах ямар ч баримт нотолгоо алга гэж Цагаан ордны хэвлэлийн нарийн бичгийн дарга Стефани Гришэм энэ арванхоёрдугаар сарын 3-нд мэдэгдсэн юм.
 АНУ-д өнгөрсөн намраас Ерөнхийлөгч Дональд Трампыг эгүүлэн татах үйл явц эхэлсэн юм. Ерөнхийлөгч Дональд Трампыг  Украины Ерөнхийлөгч Владимир Зеленскийтэй утсаар ярихдаа 2020 оны Ерөнхийлөгчийн сонгуульд өөрийн гол өрсөлдөгч болох дэд Ерөнхийлөгч байсан Жо Байден, түүний  хүүгийн эзэмшдэг компанийн эсрэг мөрдөн шалгахажиллагаа явуулахыг шаардсан, үүнийхээ тулд Киевт үзүүлэх цэргийн тусламжаа царцаана гэж заналхийлсэн гэж Ардчилагчид буруутгаж байгаа юм.