“Крымын татар түмний межилис” байгууллагын тэргүүн Рефат Чубаров Крымын аян зохион байгуулахаар төлөвлөж байгаагаа мэдэгдсэн байна. Украины газар нутгийн бүрэн бүтэн байдал, тусгаар тогтнолыг дэмжсэн ямар нэг шийдвэр гаргахад нь олон улсын байгууллагуудад туслах зорилготой “Нэр төрийн аян” гэж нэрлэж байгаа энэ арга хэмжээгээ яг хэзээ эхлүүлэхээ тэрбээр дараа мэдэгдэнэ гэжээ. “Крымын татар түмний  межилис” байгууллагыг ОХУ хэт даврагч байгууллага хэмээн хориглодог юм.

 Энэ зохион байгуулах гээд байгаа аян, арга хэмжээ нь гарах үр дүн нь ойлгомжтой жүжгийг санагдуулж байна гэж Крымын улс төр судлаач Владимир Жаралла РИА Новости агентлагт ярьжээ. Түүнийхээр бол Чубаровын мэдэгдэл нь межилисийн анхаарлыг татжээ. Тэр бас хэзээ зохион байгуулах талаараа “Яг хэзээ болохыг одоохондоо хэлж мэдэхгүй байна” гэжээ.
 “Энэ зүтгэлтнүүдийг ямар нэг юм яриад, харин бодит байдал дээр огт өөр байдгийг нь оросын хилчид сайн мэднэ” гэж В.Жаралла хэлсэн байна. Тэгэхээр “межилис”-ийн энэ мэдэгдлийг юу болохыг нь л хүлээж байх хэрэгтэй гэнэ. “Энэ байгууллага бол тэгтгэлгээр амьдардаг, хэдий ихийг авна төдий идэвхтэй байдаг юм. Одоо оросуудтай харилцаа сайжирч байгаа болохоор хэт даврагчид хоёрдугаар төлөвлөгөөндөө шилжиж л дээ” гэж В.Жаралла хэлээд тэдний хувьд хэдий санхүүжилт авснаас тэдний хувийн сайн сайхан байдал нь шууд хамааралтай байдаг гэжээ.

 Өнөөдөр зарлаад байгаа жагсаал аян нь зохион байгуулагчдын дундаас хуурамч хүмүүсийн карьерыг эцэслэх хоосон цуурай байх болно” гэж Крым дэх ОХУ-ын Ерөнхийлөгчийн бүрэн эрхт төлөөлөгчийн газрын олон улсын эрхийн асуудлаарх ажлын хэсгийн тэргүүн Александр Молохов хэлээд ийм арга хэмжээ бэлтгэж байгаа нь солиорол гэсэн байна. “Хүн бүхэн өөрийнхөөрөө л солиордог. Галт тэрэг нэгэнт хөдөлчихсөн хойно Межилисын ийм жагсаал нэг их инээдтэй зүйл биш” гэж тэр хэлжээ.
 Оросын Эдийн засгийн дээд сургуулийн дэлхийн эдийн засаг, улс төрийн факультетийн деканы орлогч Андрей Суздальцев ч бас энэ бэлтгээд байгаа аяныг “жижиг өдөөн хатгалга” гэж нэрлэсэн байна.