Ойрхи Дорнод руу АНУ  14 мянган цэрэг нэмж илгээх гэж байна хэмээн америкийн хэвлэлүүдэд мэдээлсэн нь бодит байдалд нийцэхгүй мэдээлэл хэмээн Батлан хамгаалахын сайд  Марк Эспер яамныхаа албан ёсны сайтад энэ сарын 6-нд нийтэлсэн мэдэгдэлдээ тэмдэглэсэн байна. “Ойрхи Дорнод руу нэмж 14 мянган цэрэг илгээх талаар бид хэзээ ч бодож, ярьж байгаагүй гэдгээ манай яам нэг бус удаа мэдэгдэж байсан. Энэ мэдээлэл үнэхээр алдаатай ташаа мэдээ” гэж энэ мэдээлэлд дурджээ. Мэдэгдэлд бас манай яам өөрийн дайснуудад  хариу өгөхөд хэзээ ямагт бэлэн байдаг, цааашид ч бэлэн байх болно гэсэн байна.
Иранд цэргийн ажиллагаа явуулахын тулд АНУ 14 мянган цэрэг бүхий хэдэн арван хөлгөө Ойрхи Дорнод руу илгээх гэж байна хэмээн The Wall Street Journal сонин энэ сарын 5-нд мэдээлсэн юм. Өнгөрөгч 2018 оны тавдугаар сард Дональд Трамп ираны цөмийн хэлэлцээрээс гарч байгаагаа мэдэгдэж, гэрээний  нөхцөлийг зөрчиж байна хэмээн лалын бүгд найрамлдах улсад хоригийн дарамт үзүүлж эхэлснээс үүдээд АНУ, Ираны хоёрын харилцаанд зөрчил гарч эхэлсэн юм. Ираны засаг захиргаа болохоор АНУ-ын энэ үйлдлийг хууль бус, үндэслэлгүй буруутгал гэж няцаасаар байгаа юм.