ОХУ-ын ерөнхий эмч байсан, Төрийн Думын депутат Геннадий Онищенко ахмад настнуудын биеийн жин нэмэхээс болгоомжилж хүнс хоолоо багасгах хэрэгтэй гэж мэдэгдсэнийг RNS хэвлэл бичжээ.
“Ялангуяа ахмад хүмүүсийн хүнсний их хэрэглээ нь бодисын солилцоог бууруулах муу талтай. Ийм болохоор тэд үл ялиг өлсч, биеийн хүчний ачаалалтай байх нь хамгийн үр ашигтай” гэж тэр хэлсэн байна.
Америкийн Гериатрикийн нийгэмлэгийн мэргэжилтнүүд ч ахмад настнууд хэвлийгээрээ таргалахаас сэргийлэх гол арга бол байнгын дасгал хөдөлгөөн гээд ахмадуудын жингийн илүүдэл нь зүрх судасны өвчин үүсэх эрсдэл дагуулдаг гэсэн гаргалгаа хийсэн юм.
Онищенко биеийн хөдөлгөөн нь өөх үүсэхийг бууруулдаг гэж баталж байна. Орост биеийн жин нэмж таргалах явдал 2011 оноос хойш бараг хоёр дахин нэмэгдэж эрчүүдийн 14, эмэгтэйчүүдийн 26 хувь нь илүүдэл жинтэй байгаа гэж Оросын мэргэжлийн хяналтын газар мэдээлсэн байна.