Украины парламент Дээд Рада дахь “Амьдралын төлөөх-сөрөг платформ” намын гишүүн Ренат Кузьмин барууны улстөрчдөд Украин зөвхөн Оростой сөргөлдөхөд нь хэрэгтэй гэж энэ сарын 13-нд телевизийн “112 Украин” телевизээр ярихдаа мэдэгдсэн байна. Түүнийхээр бол “барууны удирдагчдад” Украин хоёр л зорилгоор хэрэгтэй юм гэнэ. “Нэгдүгээрт, нөөц баялгийг нь дээрэмдэх, хоёрдугаарт Оросын эсрэг ашиглах. Биднийг энэ Ерөнхийлөгчид л колони болгосон. Үр дүнд нь улс орон, тивийн амьралыг өөртөө зохицуулах гэдэг геополитикийн ашиг сонирхол бүхий ямар нэг өвөө Украины газар нутаг дээр украинчуудын гараар Оростой дайтахын тулд ашиглаж байна. Энэ явцдаа дээрэмдэх ажлаа амжуулна” гэж депутат онцолсон байна.
 Тэр бас Ерөнхийлөгч асан Петр Порошенко Оросын эсрэг хүчирхийлэл үйлдсэнийх нь төлөө тэднийг хулгай хийхийг нь зөвшөөрсөн хэлэлцээр байгуулсан гэжээ. Украины шинэ Ерөнхийлөгч Владимир Зеленскийн хувьд өмнөхөөсөө ялгагдах юмгүй гэж Р.Кузьмин тэмдэглэсэн байна. “Ерөнхийлөгч асан П.Порошенко, өнөөгийн тэргүүн В.Зеленский хоёрын хооронд ямар нэг ялгаа олж харахгүй байна. Хэргийн учир нь тэд нэг нь ч бие даасан хүн биш. Тэдний хэнийг нь ч хилийн цаанаас удирдаж байгаа” гэж парламентын гишүүн хэлжээ. Украины сэтгүүлч, хэвлэлийн шинжээч Алексей Молчанов үүний өмнө арваннэгдүгээр сарын 30-нд Зөвлөлт холбоот улс тарсны дараа Украин тусгаар улс байхаа больж, оршин тогтнох утгагүй болсон гэж үзэл бодлоо илэрхийлж байсан юм.
Тэр бас өнөөгийн Украин дэлхийн удирдагчидтай, ялангуяа Орос шиг том гүрэнтэй эрх тэгш ярьж чадахаа больсон гээд Украины бүхий л салбарыг барууны корпорацууд хянаж байгаа гэжээ.