Оросын Ленинград мужийн Гатчины районы Химози тосгон дахь олон хүүхэдтэй 45 настай Андрей Бовт гэгчийн байшингаас  энэ сарын 16-нд их хэмжээний галт зэвсэг хураан авлаа гэж iz.ru  хэвлэл мэдээллээ. Хэвлэлийн мэдээлж байгаагаар найман хүүхдийн эх нь түүний үеэл дүү юм байна. Нэгжлэг орчны үзлэг хийх үед байшинд бурхан тахил өлгөсөн байсан ч хүүхэд тоглох талбай нь тусгай хүчний бэлтгэл хийдэг талбай байж мэдэхээр байжээ. Бүх оросын олон нийтийн “Зэвсэг эзэмших эрх” нийгэмлэгийн тэргүүн Вячеслав Ванеев “Тэнд бага оврын “Кедр” автомат, “Макаров” гар буу, автомат Калашниковын сүүлийн хувилбарууд байсан. Энэ бүхэн бол түүнийг эзэмшигчийн хуулиас гадуур үйлдэл болж байгаа юм” гэжээ. Тэдний найман хүүхдийг эмнэлгийн үзлэг шинжилгээнд оруулахаар эмнэлэгт хүргэсэн байна. Том охин нь л гэхэд эцэгтээ олон жил хүчирхийлүүлсэн байж магадгүй шинж тэмдэгтэй учраас мөрдөн байцаагчид өөрийн мэдэлдээ авчээ. Одоо сэжигтнийг саатуулан шалгаж байгаа бол хэргийн газарт мөрдөн байцаагчид ажиллаж байгаа юм байна.