The Guardian сонины мэдээлснээр бол гэмтэл авсан нэг эрэгтэй австралийн эмнэлэгт нас барснаар Шинэ Зеландын Уайт-Айленд арал дээрх галт уул арванхоёрдугаар сарын 9-ний даваа гарагт дэлбэрсний улмаас амь үрэгдсэн хүний тоо 16-д хүрсэн байна. Засгийн газар галт уулын аюулын түвшинг дөрөв хүртэл өсгөсөн бол агаарын тээврийн аюулгүй байдлын кодыг “ягаан” болгож өөрчилжээ. Галт уул дэлбэрэх үед Уайт-Айленд арал дээр 50 гаруй хүн байснаас 23-ыг нь аюулгүй газарт нүүлгэн шилжүүлсэн юм байна. Тэдний дунд Шинэ Зеландын иргэдээс гадна Австрали, Их Британи, АНУ, Хятад, Малайзын жуулчид байжээ. Галт уул анх дэлбэрэхэд эхлээд есөн хүн амь үрэгдсэн юм. Үүний дараа 13-ны өдөр арал дээр явуулсан эрэн хайх ажиллагааны явцад өөр зургаан хохирогчийн цогцос олсон юм. Эднээс гадна 29 хүн Шинэ Зеланд, Австралийн түлэнхийн төвд эмчлүүлж байснаас гурван хүн эмнэлгээс гарчээ.