Турк дэх ерөнхий консулын газарт сэтгүүлч Жамал Хашкажигийн амь насыг хөнөөсөн хэрэгт буруутай хэмээн таван хүнд цаазаар авах ял оноолоо хэмээн Саудын Арабын ерөнхий прокурорын газар мэдээлснийг Reuters агентлаг дамжууллаа. Үүнээс гадна өөр гурван хүнд нийтдээ 24 жилийн хорих ял өгч Саудын Арабын үе залгамжлагч хан хүү Сауда аль-Кахтанигийн зөвлөх байсан нэг хүнийг сулласан гэнэ.

 Саудын Арабын эрх баригчдыг илт шүүмжлэгч, сэтгүүлч Жамал Хашкажи 2018 оны аравдугаар сарын 2-ны өдөр Турк дэх Саудын Арабын ерөнхий консулын газраас алга болсон юм. Түүнийг амь үрэгдсэн нь аравдугаар сарын 20-нд олон нийтэд ил болсон билээ. Энэ хэрэгт сэжиглэж Эр-Рияд бүлэг хүмүүсийг баривчилсан.
Туркийн Ерөнхийлөгч Режеп Тайип Эрдоган харин сэтгүүлч Хашкажийн амийг хөнөөх тушаалыг Саудын Арабын засгийн газрын “хамгийн өндөр түвшнээс” өгсөн гэж баталдаг. Сэтгүүлчийн амийг хөнөөсөн энэ хэрэг олон улсад дуулиан болж Саудын үе залгамжлагч хан хүүгийн нэр хүндэд сэв суулгасан юм.

 Сэтгүүлчийн амийг хөнөөсөн хэрэгт хариуцлага хүлээнэ, гэхдээ энэ хэргийг нэрийг нь хэлээгүй албан тушаалтан өөрийнх нь тушаал, зөвшөөрөлгүй үйлдсэн гэж Саудын Арабын үе залгамжилсан ханхүү Мухаммед бен Сальман Аль Сауд 2019 оны намар хэлсэн удаатай.