Чеченьд 1990-ээд онд дээрэм тонуул хийхээс аргагүй байсан гэж Чеченийн анхны ерөнхийлөгч Ахмад Кадыровын хэлэхэд ОХУ-ын Ерөнхийлөгч Путин “Өөрөөр амьдрах аргагүй байсан” гэж хариулсан байна. В.Путин Ахмад Кадыровтой түүний “хууль ёсны бус зэвсэгт бүлэглэлд” оролцож байсан тухай олон удаа ярилцаж байсан гэж дурсаад “Тэр надад Чеченьд өмнө нь дээрэмчдийн янз бүрийн бүлэглэл байсан, надад бас өөрийн дээрэмчид байсан” гэж ярьсан хэмээн Чечений хөдөө аж ахуй, хөдөө нутгийн тухай уулзалт дээр дурссаныг ТАСС агентлаг эш татжээ. “Өөрөөр амьдрах аргагүй байсан. Энэ бол ийм байдалд хүргэсэн манай Оросын нийтлэг алдаа” гэж Владимир Путин хэлсэн байна.
Чеченийн өнөөгийн ерөнхийлөгч Рамзан Кадыров, түүний эцэг Ахмат Кадыров нарт ОХУ-ын баатар цол шагнасан тухайгаа В.Путин арванхоёрдугаар сарын 19-нд болсон хэвлэлийн хурлынхаа үеэр мэдэгдэж байсан юм. Үүнээс гадна В.Путины хэлснээр бол Ахмат Хажи Кадыров өөрөө В.Путинд хандаж Москватай харилцаагаа сайжруулахын тулд, Чеченийн ард түмэн, Оросын төлөө өөрөө террористуудын гарт үхнэ гэсэн гэнэ. “Түүний хувь заяаг та нар мэдэж байна уу, Тэр Чеченийн төлөө, чеченийн ард түмний төлөө, Оросын төлөө амь үрэгдсэн. Өнөөг хүртэл би үүнийг өршөөж чадахгүй л байгаа” гэжээ.
Ахмат Кадыров хүлээн зөвшөөрөгдөөгүй Ичкерийн тэргүүнээр 1995-2000 онд ажиллаж байсан, тухайн үедээ Чеченийн ерөнхийлөгчид захирагдахгүй гэж мэдэгдэж байжээ. 2000 онд Владимир Путин түүнийг Чеченийн засаг захиргааны тэргүүнээр томилсон юм. 2003 онд Чеченийн ерөнхийлөгчөөр ард түмний 80.84 хувийн саналаар сонгогдож байв. Харин 2004 онд Грозныйд болсон дэлбэрэлтийн үеэр амь алдсан юм. Түүний хүү Рамзан Кадыров Чеченийн бүгд найрамдах улсыг 2011 оны дөрөвдүгээр сараас толгойлж байна. Владимир Путин Ахмат Кадыровт ОХУ-ын баатар цол нэхэн шагнасан юм.