Өнгөрсөн арванхоёрдугаар сарын сүүлчээр Ирак дахь Америкийн цэргийн бааз руу довтолсны дараа Ираны тусгай албаны төлөөлөгч Касем Сулейманы эсрэг тусгай ажиллагаа явуулах шийдвэрийг АНУ-ын Ерөнхийлөгч Дональд Трамп гаргасан гэж Bloomberg мэдээллээ. Ийм цохилт өгөхийг зөвхөн зөвлөхүүдийн явцуу хүрээнд гаргасан, Цагаан ордны зарим албан тушаалтан энэ талаар мэдээгүй гэж хэвлэлд бичжээ.

 Хэвлэлийн эх сурвалжийн хэлснээр бол энэ сэдвийг зул сар, шинэ жилийн үеэр Дональд Трампын ойрын хүрээллийнхэн Ираны генералыг алах зорилгоор пуужингийн цохилт өгөх боломжийг ярьсан гэнэ. Тэдний дунд Ерөнхийлөгчийн үндэсний аюулгүй байдлын зөвлөх Роберт О’Брайен, тусгаар улсуудын хамтын нийгэмлэгийн орнуудад айлчлалаа өөрчлөөд байсан Төрийн нарийн бичгийн дарга Майк Помпео, дэд ерөнхийлөгч Майк Пенс нар байсан гэжээ.

 Үүнтэй зэрэгцээд Иракийн Ерөнхий сайд Адиль Абдул-Махди Вашингтон ингэж довтолсноороо Америкийн цэрэг тус улсад байх хэлэлцээрийг зөрчсөн гэж мэдэгджээ. Иракийн парламент дахь улс төрийн хэд хэдэн фракц ч АНУ-ын цэргийг эх орноосоо гаргахаар санал нэгдсэн байна. Йелийн хууль зүйн сургуулийн профессор Уна Хэтэуэй энэ ажиллагааг Вашингтон өөрийгөө хамгаалах тусгай ажиллагаа гэж баталж чадахгүй байгаа болохоор энэ нь НҮБ-ын дүрмийг зөрчсөн үйлдэл гэж Twitter-тээ жиргэсэн байна.