Ц.ХАС 

Америкийн кино академиас жил бүр шилдэг кино, уран бүтээлчдэд олгодог алдарт “Оскар”-ын шагнал гардуулах ёслол өдөр хоногоор ойртсоор 92 дахь удаагийн ёслол болоход ердөө ганц сар үлдлээ. Энэ сарын 7-ны мягмар гарагт шагналд нэр дэвшигчдийн талаар академийн гишүүд санал хурааж дууслаа. Ирэх долоо хоногийн даваа гараг буюу нэгдүгээр сарын 13-нд нэр дэвшигчдийг зарлана. Харин нэгдүгээр сарын 27-нд нэр дэвшигчид өглөөний цай ууна. Ингээд яг нэг сарын дараа хоёрдугаар сарын 9-нд Америкийн кино академийн “Оскар” шагнал гардуулах ёслол болох юм.
Оскарын шагнал горьдож нэр дэвшээд байгаа кино, уран бүтээлчдийн нэрстэй танилц.

Шилдэг кино

“Рокетмэн”
Өдөөн хатгасан, ялангуяа Оросыг өдөөн хатгасан гэмээр энэ киног оросын кино шүүмжлэгчид бүрэн үзээгүй ч гэлээ таалсан гэдэг. Эрэгтэй гол дүр, туслах эрэгтэй дүр ч шагнал хүртэж мэднэ гэж шүүмж судлаачид үзэж байгаа юм.

“Молтогчин Жожо”
Вайтитигийн энэ кино Торонтод болсон кино наадмаас Гран-при хүртээд байгаа болохоор кино академийн шагналын үеэр үзэгчдийн анхаарлыг татна л гэж найдаж байгаа.

“Нүцгэн бүжигчид”
Торонтод бас л олны анхаарал татсан кино. Бодитой, хийц нь ч муугүй. Ийм кинонд шагнал өгчхөд хэн ч саад болохгүй л байх.

“Холливудад нэг удаа”
Энэ бол “шилдэг кино”-д хамгийн хүч түрэн орж ирэх киноны нэг. Үйл явдал, түүх, нэр нь ч гээд бүхий л зүйл нь төгс. Тарантиногийн карьерийн сүүлч ч байж мэдэх энэ кино ядаж нэг “Оскар” авах л байх.

“Гэр бүлийн түүх”
Хамгийн олон төрлийн тайлалтай кино бүтээдэг Ной Баумбахын энэ кино “Шилдэг кино”-д нэр дэвшигчдийн жагсаалтад үлдэх нь гарцаагүй. Гол дүрд нь нэртэй жүжигчин тоглосон, сэтгэл хөдлөм түүх, хурц үйл явдал гээд л...

“Жокер”
Венецээс “Алтан арслан” авч, дэлхийн прокатад тэргүүлж байгаа энэ кино “Оскар”-ын олон номинацад нэр нь дурдагдаж байгаа.

“Жижиг эмэгтэйчүүд”
Сонгодог уран зохиолд “Оскар” нэг их дуртай биш. 2012 онд “12 жилийн боолчлол” кино л хамгийн сүүлийн жишээ. Гэхдээ энэ удаа энэ кино үүнийг өөрчлөхийг хэн мэдлээ.

“Ирланд эр”
Америкийн киноны шилдгүүдийг нэгтгэсэн энэ кинонд Мартин Скорсез амжилтынхаа бүхий л элементийг оруулж нэгтгэсэн гэж болно. Иймдээ ч энэ кино сүүлийн үед Netflix-ийн хамгийн үнэтэй, хамгийн их яригдаж байгаа кино.

“1917”
Энэ бол Дэлхийн нэгдүгээр дайны тухай болохоор гэгээлэг зүйлээр хомс, кино зохиогчийн өвөг эцгийн туулсан замын түүх. Баатарлаг, сэтгэл түгшээсэн, аймшигт зүйлс ээжилнэ.

“Хагацал”
Гэр бүлийн маш энхрий, үл ялиг гунигтай, бас хошигнолтой түүх. Гэхдээ энэ киног үзээд халуун дулаан сэтгэгдэл үлдэх нь гарцаагүй.

“Хөршүүдийн хамгийн сайхан өдөр”
Том Хэнкс, Мэттью Риза нарын тоглосон энэ кино Торонтод бас дуулиан болсон. “Шилдэг кино” номинацад Оскар авдаггүй юм гэхэд юутай ч академийнхны анхаарлыг татна.

“Ferrari-ийн эсрэг Ford”
Нэг талаас жинхэнэ тэргүүлэх гэж хэлмээргүй, зүгээр л чанартай ажил. Гэхдээ “Сарны гэгээ” кино шиг хурц сэтгэгдэл төрүүлэх нь лавтай.

“Сэвтээгүй үнэт эдлэл”
Идина Мензел, Адам Сендлер нарын хөгжилтэй ч гэмээр гэмт хэргийн тухай кино. Энэ талаар хэлэх олон зүйл үгүй ч зөвхөн үзэгчид төдий биш энэ киног үнэлэх хүн мундахгүй.

“Хутга барих нь”
Энэ бол киноны зохиол, жүжигчин, орчин ахуй, тайз гээд бүх зүйл амжилттай цогцолсны илрэл гэж болно. “Оскар”-ын шүүгчдэд Агата Кристиг шүтэгчид байгаа л бол “Оскар” Райан Жонсоны гар дээр очих нь гарцаагүй.

“Радегунд”
Дэлхийн хоёрдугаар дайны тухай энэ сэдэв “Оскар”-ын дуртай л сэдвийн нэг, тэгээд ч кинонд интернациональч жүжигчид тоглосон. Гэхдээ Терренс Маликийн үүний өмнөх хоёр ч кино үзэгчид, шүүмжлэгчдээс өндөр үнэлгээ авч чадаагүй юм даа.

Эрэгтэй шилдэг дүр

Брэд Питт, Леонардо Ди Каприо “Холливудад нэг удаа”
Кристиан Бэйл, Мэтт Дэймон “Ford, Ferrari-ийн эсрэг”
Роберт Паттинсон, Уиллем Дефо “Маяк”
Энтони Хопкинс, Жонатан Прайс “Хоёр аав”
Хоакин Феникс “Жокер”
Адам Драйвер “Гэр бүлийн түүх”
Антонио Бандерас “Өвдөлт ба алдар”
Эдди Мерфи “Намайг Долемайт гэдэг”
Адам Сэндлер “Сэвтээгүй үнэт эдлэл”
Тэрон Эжертон “Рокетмэн”

Эрэгтэй туслах дүр

Том Хэнкс “Хөршүүдийн хамгийн сайхан өдөр”
Майкл Б. Жордан, Жейми Фокс “Зүгээр л өршөө”
Роберт Де Ниро, Аль Пачино,
Харви Кейтель, Джо Пеши “Ирланд эр”
Шилдэг эмэгтэй дүр

Рене Зеллвегер “Жуди”
Скарлетт Йоханссон “Гэр бүлийн түүх”
Сирша Ронан “Жижиг эмэгтэйчүүд”
Авквафина “Хагацал”
Лупита Нионго “Бид”
Шарлиз Терон, Марго Робби,
Николь Кидман “Будилаан”

Эмэгтэй туслах дүр

Лора Дерн “Гэр бүлийн түүх”
Элизу Сканлен, Мерил Стрип,
Флоренс Пью “Жижиг эмэгтэйчүүд”
Женнифер Лопес “Нүцгэн бүжигчид”
Аннетт Бенинг “Тамлалтын тухай тайлан”

Гадаадын шилдэг кино

“Паразит” Өмнөд Солонгос, найруулагч Пон Жун Хо.
“Гарч байгаа нь” Франц, найруулагч Лаж Ли
“Өвдөлт ба алдар” Испани, найруулагч Педро Альмодовар
“Сармагчингууд” Колумб, найруулагч Алехандро Ландес
“Цаг агаарын хүүхдүүд” Япон, найруулагч Макото
“Зочид буудлын үйлчлэгч” Мексик, найруулагч Лила Авилес