Австралид өнөөдөр асч байгаа ойн түймрийг тавьсан байж болзошгүй 200 орчим хүнийг Шинэ Өмнөд Уэльсийн цагдаагийн ажилтнууд баривчиллаа хэмээн lentachel.ru/news/ хэвлэл энэ сарын 8-нд мэдээллээ. Ойн түймэртэй холбоотой нийт 205 зөрчилд холбогдуулан 183 хүнийг хуулийн хариуцлагад татаад байгаа юм байна. Энэ нь ойн бүсэд явах үедээ тамхины ишээ хаясан, шүдэнз зурсан зэрэг зөрчил  байгаа ч өнөөдөр асч байгаа гамшиг дагуулсан аймшигт түймэр гарахад нөлөөлсөн хүчин зүйл гэж үзэж байгаа юм. Австралид өнөөдрийн байдлаар 170 орчим голомтод түймэр асч нийтдээ долоон сая орчим га талбайг хамраад байна. Түймрийн утаа далай даван Өмнөд Америкт хүрээд байгаа. Түймрийн улмаас 24 хүн амь алдаж, маш ховор ургамал амьтны төрөл зүйл өртөн сүйрч байна.