Үр ашигтай дадал зуршил, байнгын биеийн хөдөлгөөн дасгал, зөв хооллолт нь хүний насыг ядаж 10 жилээр уртасгана гэж Харвардын болон Амстердамын их сургуулийн эрдэмтэд хэлж байна. Эрдэмтэд судалгааныхаа үр дүнг British Medical Journal сэтгүүлд нийтэлжээ. 

 Эрдэмтэд энэ судалгаа эхлэхээс өмнө нэг ч удаа өвчилж байгаагүй 50 орчим насны 100 мянга орчим хүнийг сонгон эрүүл мэндийн байдлыг нь 20 жилийн турш ажиглаж тандсан юм байна. Ингээд ажиглалтын хугацаанд нь хэн нь зүрх судасны өвчинд нэрвэгдэж байна, хэн нь чихрийн шижин, хорт хавдар тусав хэчнээн хүн нь хэдий наслав гэдгийг нэг бүрчлэн бүртгэж байжээ.
Энэ бүхнээс эрдэмтэд нас богиносгох таван үндсэн шалтгаан байдгийг тодорхойлсон нь тамхи, согтууруулах ундаа хэтрүүлэн хэрэглэх, өөх тос, болон сахар ихтэй хоол, эрүүл бус хооллолт, биеийн хүчний идэвхгүй байдал, таргалалт гэж үзжээ. 

 Согтууруулах ундаа хэтрүүлэн хэрэглэх гэдэгт эмэгтэйчүүдийн хувьд 175 мл дарс, 375 мл шар айраг бол эрчүүдийн хувьд 350 мл дарс, 750 мл шар айргийг хэлж байгаа юм байна. Өмнө дурдсан эрүүл аж төрөх таван дадал, эрүүл хооллолт, биеийн хүчний хөдөлгөөн, архи, тамхинаас бүрэн татгалзаж, биеийн жингээ хэвийн барьж чаддаг эмэгтэй хүн бол өнөөгийн дундаж 73.7 настай харьцуулахад 84.4 наслах боломжтой гэнэ. Харин эрчүүд дээрх таван дадлыг хэрэгжүүлж чадвал 73.5 биш 81.1 наслах боломжтой гэнэ.