Алдарт Рембрандт Харменс ван Рейны “Тэнэмэл хүү эргэж ирсэн нь” зургийн үндэс нь Евангалийн сударт Луки бага насандаа гэрээсээ яваад, наргиж цэнгэсээр хамаг хөрөнгөө баран бараг л боол болохын алдад эргэн ирсэн тухай өгүүлдэг явдал юм байна. 

 Зураачийн ширээн дээр  ямагт байдаг Библийг тэрээр байнга уншиж гэгээрдэг байсан гэдэг. “Тэнэмэл хүү эргэж ирсэн нь” гэдэг энэ алдарт бүтээл бол зураачийн амьдралынхаа сүүлийн жилүүдэд бүтээсэн, бүр ертөнцийн мөнх бусыг үзүүлэх жилээ зурсан зураг. 

 63 настай өвгөн зураач  Зотон даавуун дээр хүний эгэл амьдралыг гүн өнгийн тосон будгаар, үйл хөдлөл, сэтгэл санааны илэрхийлэлтэй нь амьд мэт харуулсан нь энэ. Үзэгчид рүү харж зогссон ядарч туйлдсан, нулимс цийлэгнэсэн нүдтэй эцэг удаан хугацаагаар алга болсон хүүгээ эцэж турсан гараараа тэврэн зогсоо нь тэр цагийн хүний амьдрал, баян ядуугийн ялгаа зовлон, учрал хагацлыг харуулсан аж.

 Хүүгийн тухайд бол ярих зүйл байхгүй, өмссөн хувцас шаахай зэргээс нь харахад хүү төрсөн гэрээсээ хол яаж амь зууж байсан нь тодорхой. Энэ бүхний дараа хүүгээ санасан эцэг бөхийн хүүгийнхээ хүзүүн дээр үнсэх гэж байгаа нь хэлүүлэлтгүй, яг л жүжиг шиг “үргэлжлэх нь” ойлгомжтой байна.
Ер нь Рембрандт гэрээсээ алс явж ядарч туйлдан эргэж ирж байгаа хүү, эцэг хоёрын уулзалтын тухай зурах гэж амьдралдаа гурван ч удаа бодож хар зураг гаргаж байсан.