Карибын тэнгист амарч байсан Холливудын жүжигчин Леонардо Ди Каприо завиар зугаалж яваад хөлөг онгоцноос унаж далайд 11 цагийн турш аврал эрж байсан хүнийг аварчээ хэмээн The Sun сайт энэ сарын 8-нд мэдээлсэн байна. “Леонардо өөрийнхөө кинон дээр гардаг шигээ жинхэнэ баатарлаг үйл бүтээлээ. Тэрбээр хөлөг онгоцноос унаад 11 цагийн турш далайд байсан хүний амийг аварчээ” гэж хэвлэлийн мэдээнд дурджээ.

 Ди Каприо завин дээр өөрийн дурлалт бүсгүй Камила Моррон, өөр нэг найзтайгаа амарч явжээ. Гэтэл радио холбоогоор өөр нэг хөлгөөс 24 настай франц эр хөлгөөс унааад хоцорчхож гэсэн мэдээ дамжуулж. Чухам хэзээ усанд унаад хэдий хэр хугацаа өнгөрснийг хөлгийн ахмад хэлсэнгүй.
Азаар Ди Каприогийн завь золгүй эрийг Карибын тэнгисийн Саба арлын дэргэдээс олсон байна гэж “360” телевиз мэдээлжээ. Жүжигчин тэр эрийг уснаас татан гаргаж, хувцас өмсгөж, эргийн хамгаалалтын албаныханд хүлээлгэн өгсөн байна.