Хятадад таван жилийн турш цагаан будаа, чинжүүгээр амталсан чилигээр хооллосон оюутан бүсгүй хоол тэжээлийн дутагдлаас болоод нас барлаа гэж South China Morning Post хэвлэл мэдээлсэн байна. Бүсгүйг дөрвөн настай байхад эх нь, 14 насанд нь эцэг нь нас барж дүүгээ асрахад хүрсэн юм байна. Сэтгэцийн асуудлаас болж байнга эмчид ханддаг, сар бүр 300 юанийн тэтгэлэг авдаг байжээ. Гэлээ ч бүсгүй коллежид сурахаар шийдэж, долоон мянган юанийн тэтгэлэг авдаг болсон байна. Эгч дүү хоёр өөртэй нь ижил санхүүгийн хүндрэлтэй авга ахындаа амьдардгаас таван жилийн турш хамгийн хямд цагаан будаа, чинжүүгээр амталсан чили идсэн байна. Эцсийн эцэст бүсгүй дөнгөж 22 кг болж, зүрх, бөөрний өвчинтэй болж эмнэлэгт ханджээ. Түүний энэ гашуун түүх олны анхааралд өртөж буяны хандив болгож бараг сая юань цуглуулсан ч харамсалтай нь бүсгүй энэ нэгдүгээр сарын 13-нд насан өөд болжээ.