Ханойд болсон АНУ-ын ерөнхийлөгчтэй хийсэн дээд хэмжээний уулзалтынхаа дараа Умард Солонгосын удирдагч Ким Чен Ун АНУ-ын асуудал хариуцсан тусгай төлөөлөгч, өөр бас хэд хэдэн хүнийг АНУ-ын ашиг сонирхлын төлөө тагнуул хийсэн хэмээн цаазалсан гэж Chosun Ilbo сонин мэдээлсэн байна.
БНАСАУ-ын Төрийн зөвлөлд АНУ-ын асуудал хариуцсан тусгай төлөөлөгч Ким Хёк Чоль, өөр бас өндөр албаны дөрвөн дипломатыг Ханойд болсон америк-умард солонгосын дээд хэмжээний уулзалтыг тасалдуулсны төлөө цаазалсан гэж нэрээ хэлээгүй эх сурвалжаас авснаа хэвлэлд бичжээ.

Үүнээс гадна Солонгосын хөдөлмөрийн намын Хоёр солонгосыг нэгтгэхийн төлөөх хэлтсийн дарга Ким Ён Чолийг Чагандо муж дахь улс төрийн хоригдлуудын хөдөлмөрийн лагерьт “дахин хүмүүжүүлэхээр” илгээсэн гэнэ.
Хэвлэлд бичсэнээр бол эдгээр хүмүүсийг нийслэл Пеньяны зүүн дүүрэгт байрладаг Энхтайвны цэргийн нисэх буудалд энэ хүмүүс цаазал гэж БНАСАУ-ын удирдагч Ким Чен Ун тушаасан гэж хэвлэлийн эх сурвалж баталсан байна. Цаазлахын өмнө дипломатуудыг АНУ-ын талд тагнуул хийсэн гэж буруутгасан гэнэ.

АНУ-ын ерөнхийлөгч Дональд Трамп, БНАСАУ-ын удирдагч Ким Чен Ун нарын хоёр дахь дээд хэмжээний уулзалт Вьетнамын нийслэл Ханойд энэ оны хоёрдугаар сарын 27-28-нд болж харилцан ойлголцолд хүрч чадаагүйгээс хугацаанаасаа өмнө өндөрлөсөн юм. Уулзалтын талаар АНУ-ын ерөнхийлөгч Дональд Трамп “АНУ, БНАСАУ-ын хоооронд бат бэх харирлцаатай байсан ч “гарын үсэг зурахаар сайн зүйл юу ч байгаагүй” гэж хэвлэлийн бага хурал дээр мэдэгдсэн.

БНАСАУ-ын Гадаад харилцааны сайд Ли Ён Хо үүний дараа Солонгосыг цөмийн зэвсэггүй болгох хүрээнд Вашингтон Пеньяанаас өөр бас нэг нэмэлт арга хэмжээ шаардсан гэж мэдэгдсэн ч чухам ямар шаардлага байсныг хэлээгүй.