Суданы нийслэл Хартумд эсэргүүцлйин цуглаан зохион байгуулагчдын бэхлэлтйиг нураахыг оролдоод чадаагүй цагдаагийнхан гал нээхэд хүрсэн байна хэмээн РИА Новости агентлаг мэдээллээ. Жагсаал Зэвсэгт хүчний нэгдсэн штабын байрны гадаа болж улс орны засгийн эрхийг энгийнхэнд шилжүүлэн өгөхийг шаардсан юм байна. Цагдаагийнхан тэднийг тараахаар ажиллагаа эхэлж гал нээснээр жагсагчид Жаме Хартумын сүмд нуугджээ.

Дэслэгч генерал Авад бен Ауф дөрөвдүгээр сарын 11-нд суданы телевизээр үг хэлж ерөнхийлөгч Омар Баширыг саатуулснаа зарлаад засгийн бүх эрхийг тусгайлан байгуулсан цэргийн зөвлөлийн мэдэлд шилжүүлснээ мэдэгдсэн юм. Мөн түр засгийн газрыг хоёр жилийн хугацаатай байгуулж, улс орондоо гурван сарын онц байдал тогтоосноо мэдэгдсэн. Харин Суданы сөрөг хүчин бүх нийтийн ажил хаялт зарлахаа ард иргэдэд уриалаад байгаа юм.