Дэлхийн хоёрдугаар дайны төгсгөлөөр Зөвлөлтийн улаан арми Варшавыг фашистуудаас чөлөөлсөн өдрийг тохиолдуулан Польшийн Гадаад хэргийн яам өөрийн Twitter хуудсандаа үүнд нэг их баярлах зүйл биш гээд Оросын армийнхан урлагийн шилдэг бүтээлүүдийг хулгайлсан нь өнөө болтол Орост байсаар байгаа гэж буруутгасан байна. Эндээ тэд Ян Брайгелийн “Зуны байгаль”, Лукас Кранахын “Мадонна Глоговская” Антуан Пэний “Тагтаатай охин”, Даниэль Шульцийн “Шувууны хашаа” зэрэг сор бүтээлүүдийг нэрлэжээ. “Немцүүдийн хулгайлж авч амжаагүй бүхнийг Улаан арми, Дотоод хэргийн ардын комиссариатын газрынхан хулгайлж, хурааж авсан” гэж Польшийн Гадаад хэргийн яам тэмдэглэсэн байна.
Үүний өмнө Польш Дэлхийн хоёрдугаар дайн эхэлсэн өдөрт зориулсан арга хэмжээндээ ОХУ-ын Ерөнхийлөгч Владимир Путиныг уриагүй юм. Польш улс үүнийгээ “Польшийн эсрэг түрэмгийлэл” үйлдэж эхэлснийг өнөөдөр ойр дотно хамтран ажиллаж байгаа улс орон, ялангуяа НАТО, Европын холбоо, “Дорнодын түншлэлийн” орнуудтай хамтран тэмдэглэж байна гэж тайлбарласан.