Түүхээс үзэхэд АНУ-ыг Европ, Азиас тусгааарласан далай нь тус улсыг дайснаас нэг бус удаа хамгаалж байсан нь үнэн. Харин өнөөгийн нөхцөлд Америкийн флот нь усан орон зайдаа үндэсний аюулгүй байдлыг хамгаалахад асуудалтай болж байна хэмээн Forbes сэтгүүлд цэргийн шинжээч Лорен Томпсон бичжээ. Цэрэг техникийн байлдаан болж байгаа районд АНУ-ын эргээс хүргэж буулгахад цаг хугацаа чухал ач холбогдолтой. Энд цор ганц арга нь далайгаар хүргэх. Агаарын тээвэр харьцангуй үнэтэй болохоор шаардлагатай зэвсэг техникийн 90 хувийг далайгаар л хүргэх болно. Үүний тулд тээвэрлэгч хөлөг хэдэн арваараа хэрэгтэй болно, гэтэл өнөөдөр Америкийн 65 нэгж хөлөг хуучирч хөгширсөн гэж Лорен Томпсон үзэж байна. Таван хөлгийн хоёр нь л үүргээ хугацаанд нь биелүүлэхээр байна гэж судлаач бичжээ. Энэ бол ирээдүйн болзошгүй мөргөлдөөний үед дайчилгааг цаг хугацаанд нь хийж, цэрэг зэвсэг техникийн шийдвэрлэх үед тулааны талбарт хүргэх боломжгүй гэсэн үг.

 Флот хөгширч байгаа талаар Тэнгисийн цэргийн флотын командлал нэг бус удаа анхааруулсаар байсан ч өнөөгийн авч байгаа арга хэмжээ хөтөлбөр нь байгаа нэгжүүдийн эдэлгээний хугацааг сунгах, шинэ хөлөг авахыг дараагийн арван жил болтол хойшлуулсан гэнэ. Тэгээд ч санхүүгийн дэмжлэг өгөх эсэх нь тодорхойгүй байна гэж Л.Томпсон бичжээ. “Шууд хэлье. Евразийн нутагт дайн болбол тэнгисээр цэрэг техникээ хүргэхээс болж Америк ялагдаж мэдэх л юм” гэж Лорен Томпсон онцолсон байна.