Америкийн цэргийн баазуудыг Иракаас гаргахыг шаардсан олон мянган хүний эсэргүүцлийн жагсаал нийслэл Багдадад болж улс орон даяар гудамжинд гарч жагсахыг шиитийн улстөрч, имам Муктада ас-Садр уриалсан байна. “New York Times” сонины мэдээлснээр нэгдүгээр сарын 24-нд Иракийн нийслэлийн гудамжинд 240 мянган хүн гарч жагсчээ. Америкийн цэргийг эсэргүүцсэн жагсаал цуглаан нэгдүгээр сарын эхээр Багдадын нисэх буудлын орчим Ираны генерал Касем Сулейманы амийг америкийн тусгай ажиллагааны явцад хөнөөсний дараа эхэлсэн юм. Америкийн энэ ажиллагааны хариу болгож Ираны тал АНУ-ын цэргийн баазууд руу пуужин харваж 30 гаруй цэргийн албан хаагч нь үүнд өртөөд байна. Иракийн парламент улс орныхоо нутаг дэвсгэрт гадаадын ямар ч орны цэргийн бааз байрлуулахгүй гэсэн тогтоол гаргасан юм байна. Өнөөдрийн байдлаар Иракт Америкийн 5000 орчим цэргийн албан хаагч байгаа юм.