Туркийн зүүн нутгийн Элязи мужид баасан гаргийн орой 6.8 магнитудын хүчтэй газар хөдөлж 22 хүн амь үрэгдэж 1.1 мянган хүн нэрвэгдлээ гэж бямба гарагт Туркийн Дотоод хэргийн сайд Сулейман Сойлу мэдэгдсэн байна. Мөн аврагчид 39 хүнийг нуранги дороос гаргаж авсан тухай тэр мэдэгджээ. “Одоо нурсан барилгууд дороос 39 хүнийг гаргаж авраад байна, аврах ажил үргэлжилж байна” гэж сайд NTV телевизэд өгсөн ярилцлагадаа дурджээ. Элизя мужийн Сивриже районд Газрын гүнд 10 км-ийн дор төв нь байсан газар хөдлөлийн бүсэд хамгийн ойр суурин газар нь 400 мянган хүнтэй хот байдаг юм байна. Газар хөдлөл хөрш Малатья мужид болсон юм байна. Амь үрэгдэгсэдийн олонх нь Элязи мужид байна. Гамшгийн бүсэд эрж хайх, аврах бүлгийн 3.4 мянган ажилтан ажиллаж байна.
Туркийн Ерөнхийлөгч Режеп Эрдоган Элязи мужийг зорьж гамшгийн байдлыг биеэр үзэж танилцжээ.