ОХУ-ын Элчин сайдын яамны ажилтан дипломат, мөн худалдааны төлөөлөөгч нэг ажилтанд Болгар улс персон-нон грат тавьж эх орноосоо гаргахаар болсноо Софид суугаа ОХУ-ын Элчин сайдад мэдэгдэж нот бичгээ гардуулсан байна. Харин ОХУ-ын ЭСЯ үүнийг “тэдний үйл ажиллагааны талаар ямар ч нотлох баримтгүй, үндэслэлгүй” гэж тайлбарласан байна. Дипломат ажилтнууд заасан хугацаанд Болгарыг орхин ниссэн гэж Оросын ЭСЯ-ны мэдээлэлд дурдаад харин Москва зохих хариу барина гэжээ. “Болгарын Засгийн газрын энэ шийдвэр хэвлэлээр гарч, албан ёсны болж түгэхээс нааш манай ЭСЯ хоёр орны харилцааг хүндэтгээд хариу арга хэмжээ авахгүй” гэж ЭСЯ мэдээлсэн байна.

 Оросын хоёр иргэн тагнуулын ажиллагаа явуулж байна гэсэн мэдээллийг Үндэсний аюулгүй байдлын газраас өмнө нь авч байсан гэж Болгарын прокурор мэдээлсэн. Мэдээллээс үзэхэд Оросын дипломат эрх бүхий хоёр иргэн, тухайлбал Оросын консулын нэгдүгээр нарийн бичгийн дарга 2017 оноос хойш тагнуулын ажил явуулж байсан нь илэрсэн юм байна. Нөгөө нэг нь Оросын худалдааны төлөөлөгчийн газрын ажилтан 2018 оноос тагнуулын мэдээлэл цуглуулж байсан нь илэрчээ. Оросын хоёр иргэн дипломат халдашгүй эрхтэй учраас хуулийн байгууллага эрүүгийн хэргийг мөрдөн шалгах ажиллагаагаа зогсоосон байна.