Боливийн түр цагийн Ерөнхийлөгч Жанин Аньес Засгийн газраа огцруулж, ойрын үед шинээр бүрдүүлнэ гэж мэдэгдсэнийг тус улсын төрийн радио телевиз дамжууллаа. “Ерөнхийлөгч Жанин Аньес Засгийн газрын танхимыг огцрууллаа. Тэрбээр эрх барьж эхлэхдээ ойрын үед хэрэгжүүлэхээр дэвшүүлсэн зорилтуудаа биелүүлэхийн тулд шинэ Засгийн газрыг аль болох богино хугацаанд бүрдүүлнэ гэж мэдэгдлээ” хэмээн Twitter хуудсан дахь мэдээлэлд дурдсан байна. Удахгүй болох сонгуульд Ерөнхийлөгчид өрсөлдөнө гэсэн шийдвэртэй нь санал нийлээгүйн улмаас Холбооны сайд Роксана Лисаррага өөрийн санаачилгаар огцорсон юм.

 Мөн Карлос Месой тэргүүтэй сөрөг хүчин аравдугаар сарын 20-нд болсон сонгуулиар олон тооны зөрчил гарсан, үүнээс болоод Ерөнхийлөгч Эво Моралес цэргийнхний шахалтаар албан тушаалаасаа огцорч, эх орноосоо явсан гэж мэдэгджээ. Түүнийг өндөр албан тушаалтнуудын хамт огцорсны дараа төр засгийн эрх сөрөг хүчинд шилжиж Сенатын дэд спикер байсан Жанин Аньес Ерөнхийлөгчийн үүргийг түр гүйцэтгэж байгаа юм. Эрх баригчид шинэ сонгууль явуулахаар зарлаж өнөөдөр Аргентинд хоргодож өөрийн тэргүүлдэг Социализмын төлөөх хөдөлгөөнд сонгуулийн кампанийг удирдаж байгаа Ерөнхийлөгч асан Эво Моралесыг нэр дэвшихийг хоригложээ. Боливийн Сонгуулийн дээд шүүр бүх нийтийн сонгуулийг тавдугаар сарын 3-нд явуулахаар товлоод байгаа юм.