Сирийн Засгийн газрын цэргүүд нутгийнхаа баруун өмнөд нутгийн Алеппо мужид террористуудын эсрэг дайрч тус хотын өмнөх стратегийн Теллет-эль-Махрука өндөрлөгийг эзлэн хяналт тогтоосон байна. Энэ өндөрлөгийг эзэлснээр одоо Алеппогоос нийслэл Дамаск хүрэх зам дээр байдаг өнөө хүртэл террорист “Жебхат ан-Нусра” бүлэглэлийн хяналтад байгаа Хан-Тоуману руу давших боломжтой болж байгаа юм хэмээн Al-Mayadeen телевиз мэдээлсэн байна. Ширүүн тулалдааны явцад Сирийн армийнхан Алеппогийн Рашидин-4 хороолол дахь террористуудын үүрлэж хот руу байнга бууддаг байсан хэд хэдэн байшинг алан хядагчдаас цэвэрлэж чаджээ.

 Хөрш зэргэлдээ Идлиб мужид бас Засгийн газрын хүчин Маарет-Наамане дэх алан хядагчдын байрлалыг бүслээд энэ хотоос өмнө зүгт байдаг Эль-Гадфа сууринг чөлөөлсөн байна. Умард нутагт армийнхан Дана-эль-Маара, Бабила сууринг бас чөлөөлж террористуудын хангамжийн замыг хаасан байна. Засгийн газрын хүчин нэг хоногийн дотор террористуудын 55 дайчныг устгаж хэдэн арвыг шархадуулсан гэж Al-Mayadeen телевиз мэдээлж байна. Сирийн зэвсэгт хүчний командлал Идлиб рүү өнгөрөгч оны арванхоёрдугаар сарын 19-нөөс эхлэн давшиж нутгийнхаа зүүн, өмнөд бүс рүү 320 км давшин 46 суурин газрыг чөлөөлөөд байгаа юм.