Гүржийн Ерөнхийлөгч Саломе Зурабишвили Европын Зөвлөлийн Парламентын ассамблей дээр үг хэлэх үеэрээ 2006 онд Гүржийн 1.5 мянган иргэнийг нутгаасаа хөөн гаргасных нь төлөө нөхөн төлбөр болгож 10 сая евро төлөх ёстой гэсэн Европын хүний эрхийн шүүхийн тогтоолыг урьдын адил хэрэгжүүлэхгүй байна хэмээн Оросыг шүүмжилсэн байна. “Шүүхийн шийдвэрийг нэн яаралтай биелүүлэхийг Орост шаардахад идэвхтэй оролцохыг Европын зөвлөл, гишүүн орнуудад манай Засгийн газар уриалж байгааг давтан хэлэхийг хүсч байна” гэж хатагтай Саломе Зурабишвили мэдэгджээ.

 2006 онд Орос улс Гүржийн 1500 иргэнийг нутгаасаа хөөн гаргасны төлөө Гүрж 2007 оны гуравдугаар сард Олон улсын шүүхэд нэхэмжлэл гаргаж Оросын иргэдийг тагнуулын хэрэгт сэжиглэн саатуулж байсан. Улмаар олон улсын шүүх Оросыг хүний эрхийн Конвенцын хэд хэдэн заалтыг зөрчсөн гэж үзэж тогтоол гарган Орос улс Гүржид 10 сая евро төлөх ёстой гэжээ. Тогтоолд энэ мөнгийг Оросоос хөөгдөж гарч хохирсон иргэдэд тус бүр 2000 евро олгохоор заасан. Харин Оросын Хууль зүйн яам олон улсын шүүхийн тогтоолыг тайлбарлан хүлээсэн үүргээ биелүүлэхээс татгалзсаар байгаа юм.