Өнгөрсөн долоо хоногоос Бразилын зүүн өмнөд нутгаар усан бороо орж хөрс гулгаснаас 63 хүн амь алдаад байна гэж мягмар гарагт мэдээлсэн байна. Минас-Жерайс мужид гэхэд л 52 хүн энэ гамшгийн золиос болж, 29 мянган хүнийг аюулгүй газарт нүүлгэн шилжүүлсэн бол дөрвөн мянга гаруй  хүн орох оронгүй болжээ. Хөрш Эспириту-Санту мужид гэхэд л есөн хүн амь алдаж 13 мянган хүн орон гэрээ орхин явснаас дөрвөн мянга нь бүр гэр оронгүй болсон аж. Тус мужийн амбан захирагч Ренат Казагранди гамшгийн хор уршгийг арилгахад наад зах нь 500 сая реал буюу 125 сая ам.доллар шаардлагатай гэсэн байна. Рио-де-Жанейро мужийн умард нутгаас мөн л 13 мянган хүнийг аюулгүй газарт нүүлгэн шилжүүлээд байна.