Ерөнхийлөгч Дональд Трампыг буруутгах үйл явцын эцсийн санал хураалтыг АНУ-ын Сенат хоёрдугаар сарын 5-нд явуулахаар товложээ. Д.Трампын нэг намын бүгд найрамдахчуудын хянадаг Сенат ерөнхийлөгч Д.Трампыг зөвтгөж, албан тушаалдаа үлдэнэ гэдэгт эргэлзэхгүй байна. Төлөвлөснөөр бол санал хураалт хоёрдугаар сарын 5-ны өдөр орон нутгийн цагаар 16:00 цагт эхлэх юм байна. Сенатын гишүүд ерөнхийлөгчийг эрх мэдлээ хэтрүүлэн ашигласан, шударга шүүхийн ажиллагаанд садаа учруулсан гэсэн хоёр үндэслэлд буруутай эсэхийг шийдэх юм.
Санал хураах өдөр цагийг тогтоохдоо Сенат дахь бүгд найрамдахчуудын тэргүүн Митч Макконнелл конгрессын гишүүд эцсийн шийдвэр гаргахад шаардлагатай бүхий л мэдээллийг хангалттай авсан гэж тэмдэглэжээ.

 Харин Ардчилсан намынхан болохоор санал хураах сүүлчийн хуралдаан дээр Д.Трампын үндэсний аюулгүй байдлын туслах байсан Жон Болтоныг нэмэлт гэрчээр дуудах ёстой гэж үзэж байгаа юм. Ганцхан Макконелл болохоор конгрессын гишүүд “хэрэгт нотлох баримт болох 28 мянган хуудас баримт бичиг судалсан” гээд ардчилсан намынхны саналыг няцаасан байна.
Нэгдүгээр сарын 3-ны даваа гарагт Сенат Д.Трампыг буруутгагч ардчилсан намын талын яллагч, бүгд найрамдахчуудын томилсон өмгөөлөгч нарын эцсийн үгийг сонсоно. Үүний өмнө ардчиллын талынхан олонх болсон Төлөөлөгчдийн танхим санал хурааж Ерөнхийлөгчийг буруутгасан.