Туркийн армийн танк хуягт техникийн 200 орчим нэгж бүхий цуваа Сирийн хилийг давж орлоо гэж хэвлэлүүд мэдээллээ. Энэ цуваанд танк, хуягт машинууд байна гэж “Аль-Арабия” телевизийн мэдээлснийг Оросын мэдээллийн ТАСС агентлаг дамжуулжээ. Ням гаргийн өглөө Сирийн хилийг давсан цэргийн цуваа Идлиб, Алеппо мужийг чиглэж явна. Телевизийн мэдээлснээр бол Туркийн цэргийн хүч Алеппо, Латакия хотуудыг холбодог авто замын районыг цэргийн бүс гэж зарлаад байгаа юм.
Сирийн армийн тэргүүн салбарууд Маарет-Нааманаас өмнө зүгт байх Маар-Хаттат сууринд байгаа туркийн цэргийн ажиглалтын постыг гурван талаас нь бүслээд байна хэмээн даваа гарагт мэдээллээ. Туркийн ажиглалтын цэгүүдэд аюул учруулахаар бол Анкара сирийн цэрэгт хариу өгнө гэж Турк улс мэдэгдээд байна.