Иран улс цаашид Boeing 737-800 онгоцны сүйрлийн талаарх мэдээллийг цаашид Украинд өгөхгүй гэж энэ сүйрлийг мөрдөн шалгаж байгаа Ираны иргэний агаарын тээврийн байгууллагын тэргүүн Хасан Рекаифар мэдэгдсэн байна. Ираны нэг онгоцны нисгэгчээс диспетчерийн албаныхантай ярьсан ярианы бичлэгийг олон нийтэд дэлгэснээс үүдээд ийм шийдвэр гаргасан гэнэ. Энд онгоц руу пуужин харваж дэлбэрч байгааг ярьсан юм байна. Энэ дүрс бичлэгийг украины ТСН телевизээр анх удаа гаргасан.
“Энэ бичлэг сүйрлийн шалтгааныг судалж байгаа шинжээчдийн авсан материал дотор байсан. Украины энэ үйлдлээс болоод бид цаашид энэ талаар ямар ч материал өгөхгүй” гэж Резаифарын хэлснийг мэдээллийн Mehr агентлаг эш татжээ.

 Энэ бичлэгийг “ТСН. Неделя” хөтөлбөрөөр хоёрдугаар сарын 2-ны ням гарагт үзүүлсэн юм байна. Энд Тегераны нисэх буудлын диспетчер Ираны агаарын тээврийн “Асеман Эйрлайнз” компанийн хоёрдугаар нисгэгчтэй ярьсан яриа байжээ. Энэ нисгэгч Украины онгоц руу харвасан пуужин дэлбэрч байгааг харснаа диспетчерт мэдээлж байгаа нь гарч байна. Ярианы бүрэн бичлэгийг телевиз бас сайт дээрээ байрлуулжээ.

 “Украины олон улсын агаарын шугам” компанийн Boeing 737-800 онгоц Тегераны нисэх буудлаас хөөрснийхөө дараа хэдхэн минут болоод сүйрч нийг 176 хүн амь үрэгдсэн. Амь үрэгдэгсэдийн дотор Украин, Канад, Их Британи, Германы иргэд байсан. Ослын шалтгааныг Иран эхлээд техникийн бүрэн бус байдал гэж байсан ч дараа нь цэргийнхний алдаанаас болсон гэж хүлээн зөвшөөрсөн. Онгоц сүйрүүлсэн хариуцлагыг Ираны исламын хувьсгалын корпус хүлээсэн байна.