АНУ-ын Сенат Ерөнхийлөгч Дональд Трампыг албан тушаалын эрх мэдлээ хэтрүүлэн ашигласан, шүүх ажиллагаанд саад учруулсан гэсэн хоёр буруутгалыг зөвтгөсөн шийдвэр гаргажээ. Ингэхээр Д.Трампыг шүүхгүй, албан тушаалаас нь огцруулахгүй болж байна. Сенатын гишүүдийн санал асуулгаар Ерөнхийлөгчийг “буруугүй” гэж дүгнэснээр түүнийг бруутгах үйл явц төгсч байгаа юм. Ерөнхийлөгч Дональд Трампыг албан тушаалын эрх мэдлээ хэтрүүлсэн гэж буруутгасан. Д.Трамп Украины Ерөнхийлөгч Владимир Зеленскийтэй утсаар ярихдаа энэ намар болох Ерөнхийлөгчийн сонгуулийн гол өрсөлдөгч Жо Байден, түүний хүүгийн эзэмшдэг Украин дахь компанийн эсрэг мөрдөн шалгах ажиллагаа явуулахыг хүсч, үүнийг тус улсад үзүүлэх цэргийн тусламжаар барьцаалсан гэж Конгрессын Төлөөлөгчдийн танхимын ардчилагчид буруутгасан.
 Харин Бүгд найрамдахчууд Дональд Трампыг буруутгаж байгаа нь үндэслэлгүй гэж үзэж байгаа ч тэдний нэг Митт Ромни гэхэд л Ерөнхийлөгчийг буруутгаж санал өгөхөөр шийдсэн байна. Ерөнхийлөгч Дональд Трамп болохоор өөрийг нь буруутгаж байгаа ямар ч үндэслэлгүй гэж удаа дараа мэдэгдсээр ирсэн.