“Технологийн хүйтэн дайн”-аас болоод Орос, Хятад хоёр улс идэвхтэй хамтран ажиллаж байгаагаас АНУ-ын технологийн ноёрхол эцэс болж байна гэж Forbes хэвлэлд бичсэн байна. АНУ-ын Ерөнхийлөгч Дональд Трампын Huawei компанид үзүүлсэн дарамт, Лондонгийн татгалзлаас болоод энэ улсад 5G сүлжээ нэвтрэх ажил зогссон. Британийн Засгийн газрын энэ шийдвэрийг зарим улстөрч хүйтэн дайны үед Оросын аюулаас хамгаалах байгууллагатай технологийн салбарт хамтран ажиллаж байсантай нь зүйрлэж байна хэмээн RT хэвлэлд бичжээ.
 Нөгөө нэг зүйл бол Huawei компани нь Москва, Бээжин хоёрын нягт хамтран ажиллах гүүр болж байгаа гэнэ. Хятадын компани Орост 5G бүс байгуулж, өөр бас гар утас ч нийлүүлсээр байна. Барууныхан ч АНУ-ын эсрэг чиглэсэн Орос-Хятадын хамтын ажиллагааны дэвшилд түгшиж байна. Huawei программ хангамж аппарат боловсруулах талаар төрийн түвшинд яриа хэлэлцээнд оролцож байна гэж Forbes бичсэн байна. Тэр бүү хэл Huawei Орос хиймэл оюун ухааны экосистем байгуулаад эхэлчихсэн гэж энд бичжээ. Тэрчлэн Оросын технологийн хөгжилд энэ компанийн гүйцэтгэх үүрэг үүгээр хязгаарлагдахгүй гэж Forbes онцолсон байна. Улмаар технологийн боломжийг өргөтгөх, Оросын мэргэжилтнүүдийг мэргэшүүлэх ажил хийж байгаа гэнэ.
 АНУ энэ бүхнийг аюулгүй байдлын салбарт хамтран ажиллаж тагнуулын мэдээлэл солилцохоор зогсохгүй улс орных нь технологийн ноёрхлыг эвдэлж байна хэмээн болгоомжилж байгаа юм. Гэхдээ Вашингтоныг технологийн энэ дайнд ялагдаагүй, харин ч Huawei компанийн барууны орнуудтай хамтран ажиллах боломжийг нь хязгаарлах байх гэж Forbes үзэж байна.