Энэтхэг дэх Орос, Энэтхэгийн хамтарсан үйлдвэр АК-203 буу үйлдвэрлэхэд бэлэн болж энэ оны эцэс гэхэд эхний бүтээгдэхүүнээ гаргах гэж байна хэмээн ОХУ-ын Холбооны цэрэг техникийн хамтын ажиллагааны газар мэдээлснийг ТАСС агентлаг дамжуулжээ. Оросын “Калашников” концерн АК-203 бууг экспортлох, үйлдвэрлэхэд шаардлагатай баримт бичгийг бараг нэг жилийн өмнө Энэтхэгийн талд өгчээ. Ингэснээр Энэтхэг, Оросын цэргийн салбар дахь хамтын ажиллагаа шинэ шатанд гарч одоо Энэтхэгийн Корва хотноо автомат бууны үйлдвэр барьж байна. Энд автомат буу үйлдвэрлэх, энэ зэвсгийг эзэмшихэд Оросын мэргэжилтнүүд хамтрагчдадаа зааж сургах юм байна.
Урьдчилсан мэдээллээр бол энэ зэвсгийн захиалга хэдийнэ 650 мянгад хүрээд байгааг Энэтхэгийн үйлдвэрлэлээр хангах юм байна гэж шинжээчид бичиж байна. Энэтхэг улс зэвсэгт хүчиндээ ахуйн INSAS винтов хэрэглэхээс татгалзах шийдвэр 2018 оны сүүлчээр гаргасан юм. Пакистантай хил залгаа газарт гарсан мөргөлдөөний үеэр энэ зэвсэг үр ашиггүй нь харагдсан гэнэ. Оросууд шинэ үеийн “Калашников” буугаа эхлээд тусгай үүргийн цэргийнхэнд зориулж гаргасан ч дараа нь экспортлохоор шийдвэрлэсэн юм.